Ngayong Linggo sa Crypto – Inilipat ng US ang $2B na Silk Road BTC, Maglulunsad ang Russia ng mga Int. Crypto Payment

Puno ng pasikot-sikot ang mundo ng crypto, pero alam mo ba? Iyon ang nagpapanatili ritong kapana-panabik! Ngayong linggo, maraming mahahalagang pangyayari ang humubog sa landscape, simula sa paglilipat ng gobyerno ng U.S. ng $2 billion na halaga ng Silk Road BTC sa mga bagong account. Ang hakbang na ito ay kasunod lang ng anunsyo ni President Trump ng planong lumikha ng estratehikong pambansang Bitcoin stockpile kapag nahalal siyang muli, na nagpababa sa presyo ng Bitcoin hanggang $66K, habang ang SOL ng Solana ang nanguna sa mga pinakamalaking pagkalugi.

Sa iba pang balita, ang plano ng Russia na gumamit ng cryptocurrency para sa mga international na pagbabayad ay senyales ng posibleng paglayo sa pag-asa sa U.S. dollar, na maaaring magpataas sa halaga at magpalawak sa pagtanggap sa mga cryptocurrency.

Samantala, binatikos ang WazirX dahil sa iminungkahing recovery plan nito para tugunan ang $235 million na pagkalugi mula sa security breach, na nauwi sa paghihiwalay nila ng Binance. Bukod pa rito, ang pagpapalabas ng $600 million na halaga ng XRP token ngayong Agosto ay malaking galaw sa crypto market.

Inilipat ng US ang $2B na Silk Road BTC sa Hindi Kilalang Account Kasunod ng Pangako ni Trump na Stockpile

Dalawang araw matapos ihayag ni dating President Donald Trump ang balak niyang lumikha ng “strategic national Bitcoin stockpile” kapag nahalal muli, inilipat ng gobyerno ng United States ang $2 billion na halaga ng Bitcoin. Sa isang talumpati sa Bitcoin conference sa Nashville, Tennessee, ipinangako ni Trump na hindi kailanman magbebenta ang U.S. ng anumang Bitcoin holdings nito.

Idineklara rin ni Trump ang layunin niyang gawing “crypto capital of the world” ang U.S. sa pamamagitan ng mga bagong patakarang papabor sa digital currency kung mananalo siya sa halalang pampanguluhan sa Nobyembre. Ayon sa kanya, “Kung pupunta sa buwan ang Bitcoin gaya ng sinasabi nila, gusto kong America ang magpapadala nito roon.”

Gayunpaman, humigit-kumulang 48 oras matapos ang mga crypto-friendly na pahayag ni Trump, inilipat ng gobyerno ng U.S. ang $2 billion na halaga ng Bitcoin sa mga hindi kilalang wallet. Ayon sa Arkham Intelligence, ang mga token ay nagmula sa nasamsam na Silk Road crypto, at malamang na isang custodial na serbisyo ang kahit isa sa mga wallet.

Pinagmulan: Arkham Intelligence

Binatikos ng CEO ng Galaxy Digital na si Mike Novogratz ang hakbang, at inilarawan itong “tone-deaf” sa isang post sa X noong Hulyo 29.

Bumagsak ang Bitcoin sa $66K Kasunod ng Paggalaw ng Silk Road BTC, Nanguna sa mga Pagkalugi ang SOL ng Solana

Noong Martes, Hulyo 23, bumaba ang presyo ng Bitcoin sa $66,000, na bumura sa mga kita noong nakaraang linggo. Tinamaan ang market sentiment matapos ang balita ng paglipat ng malaking halaga ng BTC mula sa isang wallet na kaugnay ng gobyerno ng U.S.

“Magiging sobrang volatile ngayong linggo, kaya hindi ako magugulat kung makakita pa ng 10% na pagbagsak o pagtaas sa presyo ng BTC,” sabi ng isang analyst.

Ang SOL ng Solana ang nanguna sa mga pagkalugi sa mga pangunahing cryptocurrency na may 6% na pagbaba, na bumura sa mga kita noong Lunes. Tumaas ang token nang dumami ang trading ng meme coin sa network noong weekend, kung saan lumampas ang on-chain trading volume sa Ethereum. Nalugi rin ang iba pang pangunahing cryptocurrency kasabay ng pagbaba ng Bitcoin. Bumaba ng 5% ang ADA ng Cardano, bumaba ng 4% ang Dogecoin (DOGE) at ang BNB ng BNB Chain, at nawalan ng 3% ang XRP.

Medyo matatag ang Ether na may 1% lang na pagbaba, sa kabila ng $97 million na net outflow sa mga bagong ilunsad na spot ETH exchange-traded fund (ETF) noong Lunes, ang ikaapat na magkakasunod na araw ng outflow.

Maglulunsad ang Russia ng mga International na Pagbabayad sa Crypto Bago Matapos ang 2024

Ang Russia, isang bansang kasalukuyang ipinagbabawal ang mga crypto payment, ay magbabago ng paninindigan sa pamamagitan ng paglulunsad ng una nitong mga international na pagbabayad sa crypto bago matapos ang taon.

Ayon kay Elvina Nabiullina, gobernador ng Central Bank ng Russia, magbibigay-daan ang hakbang na ito para malampasan nila ang mga pagkaantala sa pagbabayad na malaking hamon sa ekonomiya ng Russia. Bukod sa mga pagkaantala sa pagbabayad, binigyang-diin din ni Nabiullina na “lumaki ang panganib ng mga secondary sanction,” kaya nagiging mahirap ang pagproseso ng bayad para sa mga inaangkat na produkto, na nakakaapekto sa malawak na hanay ng mga kalakal.

Inaasahang aaprubahan ng lower house ng parliament ang batas sa Martes, na magtatakda sa mga cryptocurrency bilang paraan ng pagbabayad at magpapahintulot sa mga kumpanyang Ruso na gamitin ito sa international na kalakalan. Inaasahang magkakabisa ang bagong batas ngayong taglagas. 

Binatikos ang WazirX Dahil sa “Socialized” na Recovery Plan, Humingi ng Tulong sa Bitcoin

Isa sa mga kilalang Indian crypto exchange, ang WazirX na nawalan ng humigit-kumulang $234 million na pondo sa isang malisyosong atake, ay may inilabas na recovery plan. Iminungkahi ng exchange na ipamahagi ang pagkalugi sa lahat ng user ng WazirX. Nagsimula rin ito ng poll na nagbigay sa mga user nito ng dalawang opsyon;

Option A: Maaaring mag-trade at mag-hold ng kanilang crypto ang mga user nang may priyoridad sa recovery, ngunit hindi nila ito maaaring i-withdraw.
Option B: Maaaring mag-trade at mag-withdraw ng kanilang crypto ang mga user, ngunit mas mababa ang kanilang priyoridad sa recovery. Maaaring lumipat ang mga user sa Option A bago mag-trade o mag-withdraw.

Malinaw na sinabi ni Nischal Shetty, CEO ng WazirX, na hindi legal na may bisa sa mga user ang poll na ito. Gayunpaman, nagdulot ng kontrobersiya ang paraan ng WazirX sa mga user nito at sa buong lokal na crypto community. Binatikos ni Submit Gupta, CEO at founder ng CoinDCX, ang estratehiya ng exchange sa recovery, at sinabing;

“Hindi community-first ang paraan ng pagtugon ng WazirX sa buong sitwasyong ito, at sa tingin ko ay hindi ito magugustuhan ng mga tao. Sa kasamaang palad, nakakasama rin ito sa iba pang kalahok sa ecosystem.”

Sa pagsisikap na mabawi ang mga pagkalugi mula sa cyberattack, lumapit ang WazirX sa dating partner nitong Binance para humingi ng tulong sa pagsagip sa mga apektadong customer.

Sa petsa ng cyber attack, hawak ng Binance ang halos $80 million na halaga ng WRX token. Gayunpaman, tila pinagbawalan ang WazirX na gamitin ang pondo nito para mabayaran ang bahagi ng mga nawalang asset ng user. Nagdulot ito ng kontrobersiya at kalaunan ay nauwi sa pagtatapos ng partnership ng dalawang exchange. 

$600M na XRP Token Release, Bahagi ng $1.5B na Crypto Unlock ngayong Agosto

Mukhang kapana-panabik ang buwan ng Agosto para sa mga crypto token unlock, kung saan $1.5 billion na halaga ng token ang ilalabas sa market. Magbubukas ang Ripple ng $609 million na XRP token, humigit-kumulang 1 billion XRP token sa Agosto 1. Mula noong 2017, pare-pareho ang Ripple sa paglalabas ng 1 billion token sa unang araw ng bawat buwan. 

Gayunpaman, dahil sa re-escrow process ng Ripple, hindi lahat ng inilabas na token ay napupunta sa sirkulasyon. Madalas na muling ni-lo-lock ng network ang malaking bahagi ng mga na-unlock na token, na tumutulong sa pagkontrol ng dami ng na-unlock na token na umaabot sa market. 

Bukod sa XRP, maglalabas din ng malaking dami ng token ang iba pang pangunahing crypto project ngayong Agosto. Kasama rito ang Layer-1 network na Avalanche at ang cross-chain bridging platform na Wormhole, na magkasamang magbubukas ng $449 million na halaga ng mga token.

Maglalabas ang Wormhole ng 33.3% ng circulating supply nito, katumbas ng 600 million wormhole token, na kasalukuyang nagkakahalaga ng $180.5 million. Magbubukas ang Avalanche ng 2.4% ng circulating supply nito sa Agosto 20, katumbas ng 9.4 million AVAX token, na kasalukuyang nagkakahalaga ng $268 million. 

Iba Pang Token na Magbubukas sa Agosto 1

Tatlo pang project ang magbubukas din ng malaking bahagi ng kanilang supply sa Agosto 1, kabilang ang Layer-1 network na Sui, ang decentralized exchange na dYdX, at ang “universal” na blockchain na ZetaChain. Magbubukas ang Sui ng 2.56% ng circulating supply nito, katumbas ng 64 million token na may market valuation na $50 million. Sa parehong araw, maglalabas ang DYdX ng 8.33 million token na nagkakahalaga ng humigit-kumulang $11 million, o 3.65% ng circulating supply nito. Ipapamahagi ang mga token na ito sa mga investor, founder, staff, at mga magiging empleyado.

Ang bagong-lunsad na layer-1 network na ZetaChain ay magbubukas din ng halos 18.9% ng circulating supply nito sa unang araw ng Agosto. Ito ay 53.9 million ZETA token, na nagkakahalaga ng humigit-kumulang $34.5 million sa kasalukuyang market value. Kasunod ito ng paglulunsad nito noong Pebrero.

Iba Pang Inaasahang Unlock sa Agosto

Ilang iba pang crypto project, kabilang ang ImmutableX, Aptos, Sandbox, Starknet, at Arbitrum, ay magbubukas ng kanilang mga token sa Agosto. Magbubukas ang ImmutableX ng 2.11% ng circulating supply nito sa Agosto 9, katumbas ng 32.5 million IMX token, na nagkakahalaga ng $49 million.

Ang Aptos, karibal ng Sui, ay maglalabas ng $80 million na halaga ng APT token sa Agosto 12. Ang Web3 gaming platform na Sandbox ay magbubukas ng $69 million na halaga ng SAND token sa Agosto 14. Magbubukas ang Starknet ng 64 million STRK token sa Agosto 15, katumbas ng 4.4% ng circulating supply nito, na nagkakahalaga ng $35 million. Sa Agosto 16, magbubukas ang Arbitrum ng 92.6 million ARB token, katumbas ng 2.8% ng circulating supply nito, na nagkakahalaga ng $67 million.

Buod

Sa crypto space, palaging may kawalan ng katiyakan na nagpapanatili sa lahat na kinakabahan. Ngayong linggo, bumagsak ang Bitcoin sa $66,000, na nagpapakita ng pagbaba ng sentiment dahil may malaking halaga ng asset na inilipat mula sa mga wallet na kaugnay ng gobyerno ng U.S. Tinapos ng WazirX ang partnership nito sa Binance kasunod ng isang kontrobersiya at binatikos ito dahil sa estratehiya nito sa recovery.

Ang lumalaking interes ng Russia sa cryptocurrency ay bahagi ng mga pagsisikap nitong humanap ng solusyon sa mga hamon ng international na kalakalan habang binabawasan ang epekto ng mga sanction. Maaaring palakasin ng hakbang na ito ang papel ng mga cryptocurrency sa pandaigdigang kalakalan. Ang malawakang token unlock na paparating sa Agosto ay senyales ng patuloy na pag-unlad sa crypto ecosystem, na maaaring makaapekto sa market liquidity at dynamics ng iba’t ibang blockchain project.

Sa tingin mo ba ang panukala ng WazirX sa pagharap sa mga pagkalugi ang pinakamainam? May mas mabuti kayang paraan? Gusto naming marinig ang opinyon mo!

Sa plano ng Russia na gawing legal ang crypto, malamang na mas malawak na tatanggapin ang cryptocurrency. Binibigyan ka ng Zypto ng mga makabagong solusyon para hindi ka maiwan sa kinabukasan ng mga pagbabayad. Sa Zypto, maaari kang tumanggap ng crypto sa mga suportadong rehiyon sa buong mundo, mabilis na mag-convert sa fiat, at mag-enjoy sa paggastos gamit ang virtual crypto card. I-download ang Zypto App para maranasan ang maayos na cross-border na trading.